Ev heyvanları uşaqlar üçün təkcə oyun yoldaşı deyil; məsuliyyət hissi, empatiya və sosial bacarıqların formalaşmasında ciddi rol oynayır. Lakin bu müsbət təsirin təhlükəsiz qalması üçün düzgün gigiyena və nəzarət şərtdir.
Yoluxma riski olan xəstəliklər: qurd infeksiyaları, dəri göbələk xəstəlikləri (saçqıran), allergik reaksiyalar, bəzi bakterial xəstəliklər, toksoplazmoz (pişiklərdən), pişik cırmağı xəstəliyi. Xüsusilə küçə heyvanları ilə təmasdan sonra risk artır.
Təhlükəsizlik qaydaları: uşaq hər təmasdan sonra əllərini sabunla yumalıdır; ev heyvanları mütəmadi baytar müayinəsindən keçməli və parazitlərə qarşı qorunmalıdır; peyvəndlər vaxtında olunmalıdır; uşağın heyvanla təması valideyn nəzarəti altında olmalıdır; heyvanın qabları, yatağı və oyuncaqları təmiz saxlanmalıdır.
Risklər əsasən nəzarətsizlikdən yaranır. Doğru gigiyena və məsuliyyətli yanaşma ilə uşaqlar heyvanlarla təhlükəsiz ünsiyyət qura bilər.
