Uşaqlarda qızdırma: antibiotikə tələsməyin

Valideynlərin tez-tez verdiyi sual: “Temperatur qalxdı, hansı antibiotiki başlayım?” Dr. Aslanovanın cavabı: heç birini, həkim müayinəsi olmadan yox. Uşaqlar arasında eyni vaxtda müxtəlif virus infeksiyaları yayılır, məsələn suçiçəyindən sonra rotavirus, rotavirusdan sonra adenovirus və digər tənəffüs yolu virusları.

Qızdırma barədə bilməli olduqlarınız:

• Qızdırma orqanizmin mikroorqanizmlərlə mübarizəsinin əlamətidir.
• Dr. Aslanova 38°C-yə qədər temperaturu süni şəkildə salmağın düzgün olmadığını, 38°C-dən yuxarı olduqda isə qızdırmasalıcılardan istifadə etmək olduğunu bildirir. Qızdırmasalıcı uşağın vəziyyətini yüngülləşdirmək üçündür, doza uşağın çəkisinə görə həkimin və ya əczaçının göstərişi ilə verilir.
• Qızdırma 2–3 gündən çox davam edirsə, mütləq pediatra müraciət edin. Orqanizmdə hansı prosesin getdiyini anlamaq üçün ən azı ümumi qan analizi, leykoformula və CRP yoxlanılmalıdır.

Dərhal həkimə və ya 103-ə müraciət edin, əgər:

• uşaq 3 aylıqdan kiçikdir və temperaturu 38°C və yuxarıdır;
• uşaq çox ləngdir, çətin oyanır və ya qıcolma olub;
• nəfəs almaqda çətinlik var;
• dəridə basdıqda solmayan səpgi var;
• susuzlaşma əlamətləri var (az sidik, quru ağız, göz yaşı yoxdur);
• boyun ağrısı və gərginliyi, şiddətli baş ağrısı var.

Video

Video YouTube-da, yeni pəncərədə açılır.

Mənbələr: Təhlükə əlamətləri ÜST-ün və beynəlxalq pediatriya tövsiyələrinə əsaslanır.