İnfeksion xəstəliklər üzrə konsultasiya və müalicə

Hansı xəstəliklərlə müraciət edirlər?

• Virus hepatitləri (A, B, C, D, E). Qaraciyərin iltihabi xəstəlikləridir. Diaqnostika, müalicə və dinamik müşahidə aparılır, Hepatit B peyvəndi vurulur. Virus hepatitləri 
• Helicobacter pylori. Xroniki qastritin əsas, mədə və onikibarmaq bağırsaq xoralarının isə ən mühüm səbəblərindən biri olan bakteriya. Dr. Aslanovanın elmi işinin mövzusudur. Helicobacter pylori 
• Salmonelloz və rotavirus infeksiyası. Mədə-bağırsaq infeksiyalarının ən çox rast gəlinən səbəbləri sırasındadır. Uşaqlarda rotavirus susuzlaşmaya səbəb ola bildiyi üçün vaxtında həkimə müraciət vacibdir. Bağırsaq infeksiyaları 
• Kampilobakterioz. Heyvanlardan və heyvan mənşəli məhsullardan keçən bakterial infeksiyadır. ÜST-ə görə dünyada ishal xəstəliklərinin dörd əsas səbəbindən biridir.
• Qrip və yuxarı tənəffüs yolu infeksiyaları. Qrip əksər sağlam insanlarda bir neçə gün ərzində yüngülləşir. Üç gündən artıq davam edən yüksək qızdırma və ya vəziyyətin ağırlaşması ağırlaşmaya işarə ola bilər. Yaşlılar, kiçik uşaqlar, hamilələr, immun sistemi zəif olanlar və şəkərli diabeti olanlar yüksək risk qrupundadır. Tənəffüs yolu infeksiyaları 
• Qızılca, suçiçəyi, kəmərləyici dəmrov. Qızılcada qanda IgM (aktiv xəstəlik) və IgG (keçirilmiş xəstəlik və ya peyvəndə bağlı immunitet) testləri aparılır.
• Bruselyoz. Pasterizə olunmamış süd, ev pendiri, yağ, dondurma və çiy ətlə keçir. Oynaq ağrıları olan xəstədə bruselyoz da araşdırılmalıdır. Zoonoz infeksiyalar 
• Pişik cırmağı xəstəliyi. Bartonella henselae bakteriyasının törətdiyi zoonoz infeksiyadır. Əlamətləri dəridə səpgi, limfa düyünlərinin böyüməsi, baş ağrısı, halsızlıq, qızdırmadır.
• Qızılyel (erizipela). Streptokokların törətdiyi dəri infeksiyasıdır. Dəri infeksiyaları 
• Seborreik dermatit. Yoluxucu olmayan, baş dərisi, üz, qulaq ətrafı və sinədə qızartı və inadkar kəpəklə gedən iltihabi dəri xəstəliyidir. Soyuq, quru hava və stress kəskinləşdirir.
• Cinsi yolla keçən infeksiyalar (CYYİ). Sifilis, qonoreya, xlamidiya infeksiyası, trixomoniaz, genital herpes (HSV-2), HPV və İİV infeksiyası üzrə diaqnostika (PZR və seroloji testlər) və müalicə. Sidik-cinsiyyət infeksiyaları 
• Sidik yolu infeksiyaları. Sistit, pielonefrit. Böyrəkdə daşla müşayiət olunan infeksiya zamanı uroloq və infeksionistin birgə nəzarəti lazımdır.
• Limfa düyünlərinin böyüməsi və iltihabı. Limfa düyünlərinin böyüməsi 
• Səbəbi bilinməyən qızdırma. 3 həftədən uzun sürən, dəfələrlə 38,3°C-dən yuxarı olan və ilkin müayinələrlə səbəbi tapılmayan qızdırma infeksionistin nəzarətində araşdırılmalıdır. Səbəbi bilinməyən qızdırma 

Qəbul necə keçir?

1. Ətraflı anamnez — şikayətlərin başlanması, səfərlər, qida, heyvanlarla təmas, peyvənd tarixçəsi, əvvəlki analizlər və qəbul edilən dərmanlar.
2. Klinik müayinə.
3. Analiz planı — yalnız diaqnoz üçün lazım olan müayinələr təyin olunur.
4. Nəticələrin izahı və müalicə — səbəb müəyyənləşdikdən sonra fərdi müalicə planı və nəzarət müayinələri.

Dr. Aslanovanın bu sahədəki fəaliyyəti

• 1999-cu ildən V.Y.Axundov adına ETTPİ-nin Yoluxucu xəstəliklər şöbəsində virus, bakteriya və parazitlərin törətdiyi xəstəliklərin diaqnostikası və müalicəsi; bağırsaq infeksiyaları, respirator viruslar və dəri vasitəsilə ötürülən infeksiyalar üzrə iş
• “Yoluxucu xəstəliklər” üzrə dövlət sertifikatı (2014, 2022)
• Gazi Universitetinin İnfeksion xəstəliklər və klinik mikrobiologiya kafedrasında təcrübə (2010), Klimik 2018 Konqresi
• AQHİB-in “Qeyri-hepatotrop virus faktorlardan əmələ gələn qaraciyər zədələnmələri” kursu (2019)
• Helicobacter pylori üzrə elmi iş və nəşrlər (2019)
• COVID-19 pandemiyası dövründə ön cəbhədə iş

Sual-cavab