Qısa cavab
Exinokokkoz nədir?
Exinokokkoz Echinococcus granulosus qurdunun sürfə forması ilə törənən xəstəlikdir. İnsan qurdun yumurtalarını udduqda daxili orqanlarda, ən çox qaraciyərdə və ağciyərdə kistlər əmələ gəlir. Yoluxmanın əsas mənbəyi itlərdir. Kistlər illərlə əlamətsiz böyüyə bilər.
- Yoluxma
İtlərlə təmas (yumurtalar yununda ola bilər), yuyulmamış meyvə-tərəvəz, çirklənmiş su.
- Əlamətlər
Uzun müddət əlamətsiz. Kist böyüdükcə yerləşdiyi yerə görə ağrı, təzyiq hissi, öskürək və digər əlamətlər yaranır. Kistin partlaması ağır allergik reaksiyaya səbəb ola bilər.
- Diaqnostika
USM (əsas müayinə), lazım olduqda KT/MRT, köməkçi kimi seroloji testlər (IgG).
- Müalicə prinsipi
Kistin ölçüsünə, yerinə və mərhələsinə görə dərman müalicəsi, perkutan və ya cərrahi üsullar. Müalicə infeksionist və cərrahın birgə qərarı ilə aparılır.
- Profilaktika
İtlərin baytar nəzarəti və müntəzəm parazitə qarşı müalicəsi, itlə təmasdan sonra əl yuma, tərəvəzin yaxşı yuyulması.
Dr. Aslanovanın bu sahədəki fəaliyyəti
Dr. Aslanovanın klinik təcrübəsində oynaqda yerləşən exinokokk kistası halı da olub. Klinikanın USM şöbəsində bəzi exinokokk kistaları ultrasəs müayinəsi zamanı aşkarlanıb.