Qısa cavab
Leyşmanioz nədir?
Leyşmanioz Leishmania parazitlərinin törətdiyi, qum milçəklərinin (flebotomların) dişləməsi ilə keçən xəstəlikdir. Dəri formasında dişləmə yerində uzun sürən yara əmələ gəlir. Visseral forma daxili orqanları zədələyir və müalicəsiz ağır gedir. Diaqnoz laborator müayinə ilə təsdiqlənir.
- Dəri leyşmaniozu
Dişləmə yerində əvvəlcə qızartı və düyüncük, sonra xora əmələ gəlir, aylarla davam edə və çapıq qoya bilər.
- Visseral leyşmanioz
Uzunmüddətli qızdırma, arıqlama, dalağın və qaraciyərin böyüməsi, qanazlığı. Ağır formadır, adətən ixtisaslaşmış stasionar müalicə tələb edir.
- Diaqnostika
Dəri formasında yaradan götürülən yaxmanın mikroskopiyası, lazım olduqda kultura və ya PZR. Visseral formada seroloji testlər və sümük iliyi və ya digər toxumanın müayinəsi.
- Profilaktika
Qum milçəklərinin aktiv olduğu axşam və gecə saatlarında qorunma (pəncərə toru, repellentlər, bağlı geyim).
Dr. Aslanovanın bu sahədəki fəaliyyəti
- 12.07.2023 — ETTPİ-nin “Leyşmaniozun epidemiologiyası, diaqnostikası, müalicəsi və profilaktikası” təlimində “Dəri leyşmaniozunun klinik diaqnostikası və müalicəsi” məruzəsi
- İyul 2023 — İsmayıllı və Qəbələ rayonlarında leyşmaniozların qeydiyyatı, diaqnostikası və profilaktikası üzrə elmi seminarlar (ETTPİ heyəti ilə)
- Klinik hallar: dəri leyşmaniozu, uşaqda visseral leyşmanioz